Stock News: இந்திய பங்குச் சந்தையில் கடும் வீழ்ச்சி நீடிப்பது ஏன்?

சர்வதேச சந்தைப் போக்குகளின் எதிரொலியாக, இந்திய பங்குச் சந்தையில் கடும் வீழ்ச்சி நிலவுகிறது. சென்செக்ஸ், நிஃப்டி புள்ளிகள் தொடர்ந்து சரிவை சந்தித்துள்ளன. பெரும்பாலான நிறுவனப் பங்குகளும் வீழ்ச்சி கண்டுள்ளன.

Wednesday March 12, 2025 , 1 min Read

சர்வதேச சந்தைப் போக்குகளின் எதிரொலியாக, இந்திய பங்குச் சந்தையில் கடும் வீழ்ச்சி நிலவுகிறது. சென்செக்ஸ், நிஃப்டி புள்ளிகள் தொடர்ந்து சரிவை சந்தித்துள்ளன. பெரும்பாலான நிறுவனப் பங்குகளும் வீழ்ச்சி கண்டுள்ளன.

மும்பை பங்குச் சந்தையில் இன்று (மார்ச் 12) காலை வர்த்தகம் தொடங்கும்போது, சென்செக்ஸ் 289.83 புள்ளிகள் உயர்ந்து 74,392.15 ஆக இருந்தது. அதேவேளையில், தேசிய பங்குச் சந்தையில் நிஃப்டி 79.5 புள்ளிகள் உயர்ந்து 22,577.40 ஆக இருந்தது.

வர்த்தக தொடக்கத்தில் ஏற்றம் நிலவினாலும், அடுத்த சில மணி நேரங்களில் வீழ்ச்சியை நோக்கிச் சென்றது முதலீட்டாளர்களுக்கு கலக்கத்தை அளித்துள்ளது.

இன்று பிற்பகல் 12.30 மணியளவில் சென்செக்ஸ் 343.41 புள்ளிகள் (0.46%) சரிந்து 73,758.91 ஆகவும், நிஃப்டி 116.95 புள்ளிகள் (0.52%) சரிந்து 22,380.95 ஆகவும் இருந்தது.

காரணம் என்ன?

அமெரிக்காவின் அடுத்தடுத்த நடவடிக்கைகளால் வரிவிதிப்பு விவகாரத்தில் சர்வதேச நாடுகளிடையே குழப்பம் நீடித்து வருகிறது. பொருளாதார வீழ்ச்சி அச்சமும் துளிர்விட்டுள்ளது, சர்வதேச அளவில் பெரும் தாக்கத்தை ஏற்படுத்தி வருகிறது.

அமெரிக்க பங்குச் சந்தை கடும் வீழ்ச்சியில் நிறைவு பெற்றது. இதேபோல், ஆசிய பங்குச் சந்தைகளைப் பொறுத்தவரையில் டோக்கியோ, சியோலில் ஏற்றமும், ஹாங்காங் மற்றும் ஷாங்காயில் சரிவும் நிலவுகிறது. இவற்றின் தாக்கம் இந்திய பங்குச் சந்தைகளிலும் எதிரொலித்து வருகிறது.