Stock News: இந்திய பங்குச் சந்தையில் ‘ரெட் அலர்ட்’ - வீழ்ச்சி நீடிப்பு என்ன?

அமெரிக்க அதிபர் தொடங்கி வைத்துள்ள வரிவிதிப்பு யுத்தத்தின் எதிரொலியாக, இந்திய பங்குச் சந்தையில் கடும் வீழ்ச்சி நிலவுகிறது. பெரும்பாலான நிறுவனப் பங்குகள் மீதும் ‘சிவப்பு விளக்கு’ ஒளிரும் வகையில் சரிவு நீடிக்கிறது. சென்செக்ஸ், நிஃப்டி புள்ளிகள் கடும் சரிவை சந்தித்து வருகின்றன.

Friday April 04, 2025 , 2 min Read

அமெரிக்க அதிபர் தொடங்கி வைத்துள்ள வரிவிதிப்பு யுத்தத்தின் எதிரொலியாக, இந்திய பங்குச் சந்தையில் கடும் வீழ்ச்சி நிலவுகிறது. பெரும்பாலான நிறுவனப் பங்குகள் மீதும் ‘சிவப்பு விளக்கு’ ஒளிரும் வகையில் சரிவு நீடிக்கிறது. சென்செக்ஸ், நிஃப்டி புள்ளிகள் கடும் சரிவை சந்தித்து வருகின்றன.

மும்பை பங்குச் சந்தையில் இன்று (ஏப்.4) காலை வர்த்தகம் தொடங்கும்போது, சென்செக்ஸ் 591.05 புள்ளிகள் சரிந்து 75,704.31 ஆக இருந்தது. அதேவேளையில், தேசிய பங்குச் சந்தையில் நிஃப்டி 202.55 புள்ளிகள் சரிந்து 23,047.55 ஆக இருந்தது.

மீண்டும் கடும் வீழ்ச்சியை நோக்கி இந்திய பங்குச் சந்தை நகர்ந்து கொண்டிருப்பது முதலீட்டாளர்கள் மத்தியில் பெரும் கலக்கத்தைத் தந்துள்ளது.

இன்று முற்பகல் 11.05 மணியளவில் சென்செக்ஸ் 649.59 புள்ளிகள் (0.85%) சரிந்து 75,645.77 ஆகவும், நிஃப்டி 253.55 புள்ளிகள் (1.09%) சரிந்து 22,996.55 ஆகவும் இருந்தது.

காரணம் என்ன?

அமெரிக்க பங்குச் சந்தை கடும் வீழ்ச்சியுடன் நிறைவு பெற்றது. ஆசிய பங்குச் சந்தைகளைப் பொறுத்தவரையில் சியோல் மற்றும் டோக்கியோ பங்குச் சந்தைகளில் கடும் சரிவு நிலவுகிறது. ஷாங்காய் மற்றும் ஹாங்காங் பங்குச் சந்தைகளுக்கு விடுமுறை.

இந்தியாவுக்கு 27% இறக்குமதி வரி உள்பட அமெரிக்க அதிபர் ட்ரம்ப் அறிவித்துள்ள புதிய வரிவிதிப்புகள் காரணமாக சர்வதேச அளவில் வர்த்தகப் போக்குகளை ஆட்டம் கண்டுள்ளன. இதன் தாக்கம் இந்தியப் பங்குச் சந்தைகளிலும் எதிரொலித்து வருகிறது.

குறிப்பாக உலோகங்கள், எண்ணெய் மற்றும் எரிவாயு நிறுவனப் பங்குகள் அதிக அளவில் விற்கப்பட்டு வருகின்றன. அதேபோல், வெளிநாட்டு நிறுவனங்களின் முதலீடும் வெகுவாக சரிந்துள்ளதால் இந்தியப் பங்குச் சந்தையில் வீழ்ச்சி நிலவுகிறது.