Gold Rate Chennai: மீண்டும் ஜெட் வேகம் - தங்கம் விலை வரலாறு காணாத உச்சம்!

மீண்டும் ஜெட் வேகத்தில் உயர்ந்து வரும் ஆபரணத் தங்கத்தின் விலை, இதுவரை இல்லாத அளவுக்கு வரலாறு காணாத வகையில் ஏற்றம் கண்டுள்ளது. இன்று ஒரே நாளில் ரூ.400 உயர்ந்து, சவரனுக்கு ரூ.48,500-ஐ நெருங்கி இருப்பது நகை வாங்குவோருக்கு அதிர்ச்சி தரும் செய்தியாக உள்ளது.

Thursday April 03, 2025 , 2 min Read

மீண்டும் ஜெட் வேகத்தில் உயர்ந்து வரும் ஆபரணத் தங்கத்தின் விலை, இதுவரை இல்லாத அளவுக்கு வரலாறு காணாத வகையில் ஏற்றம் கண்டுள்ளது. இன்று ஒரே நாளில் ரூ.400 உயர்ந்து, சவரனுக்கு ரூ.48,500-ஐ நெருங்கி இருப்பது நகை வாங்குவோருக்கு அதிர்ச்சி தரும் செய்தியாக உள்ளது.

சென்னையில் புதன்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.8,510 ஆகவும், ஒரு சவரன் ரூ.68,080 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.9,284 ஆகவும், சவரன் விலை ரூ.74,272 ஆகவும் மாற்றமின்றி விற்பனை ஆனது. தற்போது மீண்டும் விலை உயர்வு காணப்படுகிறது.

தங்கம் விலை நிலவரம் - வியாழக்கிழமை (3.4.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.50 உயர்ந்து ரூ.8,560 ஆகவும், ஒரு சவரன் விலை ரூ.400 உயர்ந்து ரூ.68,480 ஆகவும் இருக்கிறது. அதேபோல், 24 காரட் சுத்தத் தங்கம் 1 கிராம் விலை ரூ.54 உயர்ந்து ரூ.9,338 ஆகவும், சவரன் விலை ரூ.432 உயர்ந்து ரூ.74,707 ஆகவும் இருக்கிறது.

வெள்ளி விலை:

சென்னையில் இன்று (3.4.2025) 1 கிராம் வெள்ளி விலை ரூ.114 ஆகவும், ஒரு கிலோ வெள்ளி விலை ரூ.1,14,000 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு தடுமாற்றத்துடன் காணப்படுகிறது. இந்தியாவுக்கு 26% இறக்குமதி வரி உள்பட அமெரிக்க அதிபர் ட்ரம்பின் புதிய வரிவிதிப்பு முறை அமலுக்கு வந்துள்ளது சர்வதேச அளவில் வர்த்தகப் போக்குகளை ஆட்டம் காணச் செய்துள்ளது.

இதன் எதிரொலியாக, பங்குச் சந்தைகளும் தடுமாறி வருவதால், பாதுகாப்பு கருதி தங்கத்தின் மீது முதலீடு செய்வதில் முதலீட்டாளர்கள் தீவிரம் காட்டி வருகின்றனர். இதனால், தங்கத்தின் தேவை அதிகரித்து ஆபரணத் தங்கம் புதிய உச்சத்தை எட்டி வருகிறது.