Stock News: கடும் வீழ்ச்சியில் இந்திய பங்குச் சந்தை - காரணம் என்ன?

அமெரிக்க அதிபர் தொடங்கி வைத்துள்ள வரிவிதிப்பு யுத்தத்தின் தாக்கமாக, இந்தியப் பங்குச் சந்தைகளிலும் தொடர்ந்து சிவப்பு விளக்கு ஒளிரும் வகையில் கடும் வீழ்ச்சி நிலவி வருகிறது.

Tuesday February 11, 2025 , 1 min Read

அமெரிக்க அதிபர் தொடங்கி வைத்துள்ள வரிவிதிப்பு யுத்தத்தின் தாக்கமாக, இந்தியப் பங்குச் சந்தைகளிலும் தொடர்ந்து சிவப்பு விளக்கும் ஒளிரும் வகையில் கடும் வீழ்ச்சி நிலவி வருகிறது.

மும்பை பங்குச் சந்தையில் இன்று (பிப்.11) காலை வர்த்தகம் தொடங்கும்போது, சென்செக்ஸ் 201.06 புள்ளிகள் சரிந்து 77,110.74 ஆக இருந்தது. அதேவேளையில், தேசிய பங்குச் சந்தையில் நிஃப்டி 79.55 புள்ளிகள் சரிந்து 23,302.05 ஆக இருந்தது.

இந்த வாரத்தின் தொடக்கத்தில் இருந்தே கடும் வீழ்ச்சி நிலவுவதும், பல்வேறு நிறுவனப் பங்குகள் சரிவை எட்டியுள்ளதும் முலீட்டாளர்கள் மத்தியில் கலக்கத்தை நீட்டிக்கச் செய்துள்ளது.

இன்று முற்பகல் 10.50 மணியளவில் சென்செக்ஸ் 387.90 புள்ளிகள் (0.50%) சரிந்து 76,923.90 ஆகவும், நிஃப்டி 123.65 புள்ளிகள் (0.53%) சரிந்து 23,257.95 ஆகவும் இருந்தது.

காரணம் என்ன?

அமெரிக்க பங்குச் சந்தை சற்றே ஏற்றத்துடன் ஆசிய பங்குச் சந்தைகளைப் பொறுத்தவரையில் சியோலில் மட்டும் ஏற்றம் நிலவுகிறது. டோக்கியோ, ஷாங்காய் மற்றும் ஹாங்காங் பங்குச் சந்தைகளில் இறங்கு முகம்தான் காணப்படுகிறது.

அமெரிக்க அதிபர் தொடங்கிவைத்த வரிவிதிப்பு யுத்தத்தின் தாக்கம் நீடிக்கிறது. உலக நாடுகளின் கரன்சி மதிப்புகளில் நிலையற்ற தன்மை, பொருளாதார வீழ்ச்சிகளின் காரணமாக சர்வதேச அளவில் பங்கு வர்த்தகம் பாதிக்கப்பட்டுள்ளது.

இந்தப் போக்குடன், வெளிநாட்டு முதலீட்டாளர்கள் ஆர்வம் காட்டாததன் எதிரொலியாக, இந்தியப் பங்குச் சந்தைகளில் வீழ்ச்சி நீடிக்கிறது.