Stock News: உச்சம் தொட்ட பங்குச் சந்தையில் சரிவு: சென்செக்ஸ் 100+ புள்ளிகள் வீழ்ச்சி!

சென்செக்ஸ் 84,000 புள்ளிகளையும், நிஃப்டி 26,000 புள்ளிகளையும் கடந்த மறுநாளில் இந்திய பங்குச் சந்தைகளில் சற்றே சரிவு நிலை காணப்படுகிறது.

Wednesday September 25, 2024 , 1 min Read

சென்செக்ஸ் 84,000 புள்ளிகளையும், நிஃப்டி 26,000 புள்ளிகளையும் கடந்த மறுநாளில் இந்திய பங்குச் சந்தைகளில் சற்றே சரிவு நிலை காணப்படுகிறது.

மும்பை பங்குச் சந்தையில் இன்று (செப்.25) காலை வர்த்தகம் தொடங்கும்போது, சென்செக்ஸ் 171 புள்ளிகள் சரிந்து 84,743.04 ஆக இருந்தது. அதேவேளையில், தேசிய பங்குச் சந்தையில் நிஃப்டி 48.7 புள்ளிகள் சரிந்து 25,891.70 ஆக இருந்தது.

கடந்த நான்கு வர்த்தக நாட்களாக ஏற்றம் தொடர்ந்த இந்தியப் பங்குச் சந்தையில் இன்று காலை ஆரம்பம் முதலே சரிவு நிலை நீடிக்கிறது. பிற்பகலுக்குப் பின்னரும் நெகட்டிவ் வைப் தொடர்ந்தது முதலீட்டாளர்களை சற்றே கலக்கத்தில் ஆழ்த்தியது.

இன்று பிற்பகல் 12.20 மணியில் சென்செக்ஸ் 102.44 புள்ளிகள் (0.12%) சரிந்து 84,811.60 ஆகவும், நிஃப்டி 60.15 புள்ளிகள் (0.23%) சரிந்து 25,880.25 ஆகவும் இருந்தது.

காரணம் என்ன?

அமெரிக்க ஃபெடரல் வங்கி சமீபத்தில் வட்டி விகிதத்தை குறைத்தது, சர்வதேச அளவிலான பங்கு வர்த்தகத்தில் பெரும் சாதகமான தாக்கத்தை ஏற்படுத்தியது. அமெரிக்க பங்குச் சந்தையின் வர்த்தகமும் ஏற்றத்துடன் நிறைவடைந்தது. ஆனால், ஆசிய பங்குச் சந்தைகளில் கலவையான போக்கு நிலவுகிறது. அத்துடன், இன்றைய தினம் வெளிநாட்டு முதலீட்டாளர்களின் ஆர்வம் வெகுவாக குறைந்தது இந்தியப் பங்குச் சந்தையின் சரிவுக்கு முக்கியக் காரணம் ஆகும்.