இந்தியாவிலேயே முதல் 'ட்ரோன் சோதனை மையம்' தமிழகத்தில் அமைகிறது தெரியுமா?

இந்தியாவின் முதல் 'ட்ரோன் சோதனை மையம்' ஸ்ரீபெரும்புதூர் சிப்காட் தொழிற்பூங்காவில் அமைய உள்ளது.

ட்ரோன்களுக்கான நாட்டின் முதல் பொது சோதனை மையம் தமிழ்நாட்டில் ரூ.45 கோடி செலவில் நிறுவப்படும் என்று மாநில அரசு அறிவித்துள்ளது.

மத்திய அரசின் பாதுகாப்பு உள்கட்டமைப்பு சோதனை திட்டத்தின்கீழ் (டிடிஐஎஸ்) ஆளில்லா விமான அமைப்புகளுக்கான நாட்டின் முதல் பொது சோதனை மையம் தமிழ்நாட்டில் ரூ.45 கோடி செலவில் நிறுவப்படும் என்று தமிழக அரசு அறிவித்துள்ளது. தமிழ்நாடு தொழில்துறை மேம்பாட்டுக் கழகம் (டிட்கோ), தமிழ்நாடு பாதுகாப்பு தொழில்துறை வழித்தடத்தை செயல்படுத்துவதற்கான நோடல் ஏஜென்சியாகும்.

மேலும், விமானம் மற்றும் பாதுகாப்புத் துறைக்கான சுற்றுச்சூழல் அமைப்பை இது வழங்குகிறது. மத்திய அரசின் மானியத்துடன் இத்திட்டத்தை செயல்படுத்த டிட்கோ ஒளிவுமறைவற்ற ஒப்பந்தப் புள்ளியை கோரியுள்ளது.

விண்வெளி மற்றும் பாதுகாப்புத் துறையில் ஈடுபட்டுள்ள நிறுவனங்களுக்கு பொதுவான சோதனை மையம் இல்லாதது பெருந்தடையாக கருதப்பட்டது. தற்போது டிட்கோ மையத்தின் பாதுகாப்பு சோதனை உள்கட்டமைப்பு திட்டத்தின் கீழ் இதுபோன்ற சோதனை மையங்களை தமிழ்நாட்டில் அமைக்க திட்டமிட்டுள்ளது.

இத்தகைய பொதுவான சோதனை மையத்தை அமைப்பதற்காக, தொழில்துறை கூட்டாளர்களை அடையாளம் காண்பதற்கான முன்மொழிவுக்கான கோரிக்கையை (RFP) TIDCO அறிமுகப்படுத்தியுள்ளது.

"கெல்டிரான், சென்ஸ் இமேஜ், ஸ்டாண்டர்டு டெஸ்டிங் அண்ட் காம்ப்ளையன்ஸ் மற்றும் அவிக்ஷா ரீடெய்லர்ஸ் ஆகிய 4 நிறுவனங்கள் டிட்கோவுடன் இணைந்து, ரூ.45 கோடி மதிப்பீட்டில் இந்த வசதியை நிறுவ உள்ளது. இந்நிறுவனங்கள் ஏலம் மூலமாக தேர்வு செய்யப்பட்டதாக தமிழ்நாடு அரசு தெரிவித்துள்ளது.

இந்த சோதனை மையம், ஆளில்லா விமானத்தின் ஆராய்ச்சி, வடிவமைப்பு, மேம்பாடு, உற்பத்தி மற்றும் சோதனைகளுக்குத் தேவையான பல்வேறு வசதிகளை ஒரே இடத்தில் சர்வதேச தரத்தில் வழங்கும்.

ட்ரோன்களுக்கான சோதனை மையமானது ஸ்ரீபெரம்புதூர் அருகே உள்ள வல்லம் வடகலில் உள்ள தமிழ்நாடு மாநில தொழில் மேம்பாட்டுக் கழகத்தின் (சிப்காட்) தொழில் பூங்காவில் அமைய உள்ளது.

இதுகுறித்து தொழில்துறை அமைச்சர் டிஆர்பி ராஜா கூறுகையில்,

"இந்தியாவின் முதல் ஆளில்லா வான்வழி அமைப்புகள் (ட்ரோன்) காமன் டெஸ்டிங் சென்டர் தமிழ்நாட்டில் நிறுவப்பட்டது, செழிப்பான பாதுகாப்பு மற்றும் விண்வெளி உற்பத்தி சுற்றுச்சூழல் அமைப்பை உருவாக்குவதில் முதல்வர் மு.க.ஸ்டாலினின் தீவிர கவனம் செலுத்தி வருகிறார்," என்றார்.

"தொழில்துறையின் தேவைகளை புதுமையான முறையில் நிவர்த்தி செய்வதன் மூலம் இந்தத் துறையில் முதலீட்டாளர்களை நாங்கள் ஈர்க்கிறோம். இந்த சோதனை மையம் மூலமாக இந்தியாவில் விண்வெளி மற்றும் பாதுகாப்பு நிறுவனங்களை தொடங்குவதற்கான விருப்பமான இடமாக தமிழ்நாடு மாறும்,” எனத் தெரிவித்தார்.

விண்வெளி மற்றும் பாதுகாப்புத் துறையில் நாட்டின் தன்னம்பிக்கைக்கு தமிழ்நாட்டின் குறிப்பிடத்தக்க பங்களிப்பை அளிக்கும் வகையில் இந்த சோதனை மையம் உதவும் எனக்கூறினார்.